Imbestigasyon ng NBI sa Kian Delos Santos case tatapusin ngayong linggo
Tinatapos na ng National Bureau of Investigation (NBI) ang kanilang report ukol sa imbestigasyon sa pagkakapatay kay Kian delos Santos matapos makipagpulong si NBI Director Dante Gierran kay Justice Secretary Vitaliano Aguirre.
Ayon kay Aguirre, ipinaalala niya sa NBI ang bilin ni Pangulong Rodrigo Duterte na gawing mabilis ang imbestigasyon gayung matagal ng nangyari ang insidente.
Ani Aguirre, inaasahan niyang matatapos ang imbestigasyon ng NBI ngayong linggo.
Matatandaang nakapagsampa na sa DOJ ang mga magulang ni Kian ng mga reklamong murder at paglabag sa anti-torture law laban sa tatlong pulis ng Caloocan City PNP na sangkot sa pagkakamatay ni Kian.
Ang PNP ay nagsasagawa rin ng hiwalay na imbestigasyon sa nasabing pangyayari.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.