Trump, sinibak ang kaniyang adviser na si Bannon

By Kabie Aenlle August 19, 2017 - 01:48 AM

Sinibak na sa trabaho ni US President Donald Trump ang kaniyang chief strategist na si Steve Bannon.

Ayon kay White House spokeswoman Sarah Sanders, parehong nagkasundo sina White House Chief of Staff John Kelly at Steve Bannon na ito na ang magiging last day ni Bannon.

Sa ngalan ng White House ay nagpasalamat rin si Sanders sa naging serbisyo ni Bannon.

Ayon sa isang source, ilang linggo na ring pinag-iisipan ni Trump ang desisyong ito, at binigyan pa si Bannon ng pagkakataon na kusa na lang umalis dahil pipilitin na rin lang naman siyang gawin ito kalaunan.

Naging kontrobersyal si Bannon matapos siyang magpaunlak ng panayam sa liberal na American Prospect kamakailan, kung saan binanatan niya ang posisyon ni Trump sa isyu sa North Korea.

Nang kwestyunin ang kaniyang mga pahayag, iginiit ni Bannon na ang akala niya ay academic ang kaniyang kausap at na ang kaniyang mga sinasabi ay off the record.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.