Dalawang sunog, sumiklab sa Maynila, mag-ama patay

By Khyz Soberano August 18, 2017 - 08:42 PM

Kuha nI Khyz Soberano

Dalawang sunog ang halos magkasabay na sumiklab sa magkahiwalay na lugar sa Maynila.

Unang naganap ang sunog sa Road 10, Bitas, Tondo Maynila pasado alas 3:00 ng hapon.

Umabot sa ikalimang alarma ang sunog bago naideklara under control alas 6:09 ng gabi.

Tinatayang nasa 500 pamilya ang nawalan ng tirahan bunsod ng nasabing sunog.

Nasa P3 milyon ang halaga ng mga ari-ariang natupok.

Samantala, alas 3:53 naman ng hapon nang magsimula ang sunog sa Adriatico Street, Malate Maynila.

Ayon kay Superintendent Antonio Razal Jr. Fire Marshall ng Manila Fire Department, nasawi sa nasabing sunog ang mag-ama na sina Amelardo Salonga, 79 anyos at Jimmy Salonga, 47 anyos.

Natagpuan ang mag-ama sa CR ng nasunog nilang bahay.

Umabot sa Task Force Alpha ang alarma ng sunog bago naideklarang under control alas 7:22 ng gabi.

 

 

 

TAGS: fire incident, malate manila, Radyo Inquirer, Tondo Manila, fire incident, malate manila, Radyo Inquirer, Tondo Manila

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.