Ilang lugar sa Nueva Ecija naka-quarantine na
Isinailalim na rin sa quarantine ang ilang lugar sa Nueva Ecija matapos mapabalita na umabot na rin doon ang bird flu virus.
Ito’y makaraang kumpirmahin ni Agriculture Sec. Manny Piñol na may mga namatay ngang manok sa Jaen at San Isidro dulot ng bird flu.
Anya, sa initial report na kanyang natanggap, quail at layered poultry farm ang apektado ng naturang sakit.
Gayunman, kanyang sinabi na ang kaso sa Nueva Ecija ay kahalintulad din sa Pampanga kung saan Type A subtype H5 ang nakita.
Hindi pa naman madetermina ng DA kung ano ang N strain ng virus dahil isasailalim pa ito sa laboratory test.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.