Duterte, iginiit na itigil na ang pagkukumpara sa kanya kay dating Pangulong Marcos
Iginiit ni Pangulong Rodrigo Duterte sa mga kritiko na itigil ang pagkukumpara sa kaniya kay dating Pangulong Ferdinand Marcos.
Ito ay kaugnay sa pagnanais ng pangulo na manatili ang implementasyon ng batas militar sa Mindanao hanggang sa katapusan ng taon.
Ayon sa Punong Ehekutibo, hindi tama ang ginagawang pagkukumpara at dapat aniyang husgahan siya sa kung ano ang kaniyang pinagdaanan bilang lider.
Paliwanag pa nito, isa aniyang “stop-gap measure” ang pagpapalawig ng batas militar na layong protektahan ang mga apektadong residente sa Marawi City.
Ipinunto din ng pangulo na handa siyang ibaba ang batas militar oras na matiyak nawala nang anumang banta ng rebelyon at terorismo sa rehiyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.