SONA ni Duterte, posibleng ulanin ayon sa PAGASA
Mataas ang tsansa na uulan sa Lunes, araw ng State of the Nation Address ni Pangulong Rodrigo Duterte.
Makakaranas ang Metro Manila ng maulap na kalangitan at mahina hanggang sa katamtamang pag-ulan na dala ng hanging habagat ayon sa Philippine Philippine Atmospheric, Geophysical and Astronomical Services Administration o PAGASA.
Makakaapekto rin ang hanging habagat sa kanlurang bahagi ng Luzon at Visayas.
Isang Low Pressure Area naman ang namataan sa layong 225 kilometro sa silangang bahagi ng Aparri, Cagayan ayon sa inilabas na bulletin ng PAGASA tanghali ng Biyernes.
Samantala, tinatayang ang temperatura ay maglalaro mula 24 hanggang 31 degrees Celsius.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.