Mga negosyante, interesado pa ring mamuhunan sa Mindanao sa kabila ng banta ng terorismo
Interesado pa rin ang investors sa Mindanao sa kabila ng banta ng ISIS-inspired groups sa rehiyon.
Ayon kay Mindanao Development Authority chair Datu Abul Khayr Alonto, bahagya lamang ang naging epekto ng gulo sa Marawi City sa turismo ng Mindanao.
Ipinauunawa din aniya nila sa mga negosyante na ang nararanasan sa ilang bahagi ng Mindanao ay pansamantala lamang.
Iginiit ni Alonto na hindi nito madidiskaril ang mga proyekto para sa pag-asenso ng rehiyon.
Ilang proyektong imprastruktura ang una nang inilatag ng administrasyong Duterte sa Mindanao, gaya na lamang ng 2,000 kilometrong Mindanao Railway.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.