250 na nasugatang sundalo, balik na sa pakikipagbakbakan sa Marawi City
Balik na sa frontline main battle area sa pakikipagbakabakan sa Maute group sa Marawi City ang 250 na mga nasugatang sundalo.
Ayon kay Lt. Col. Jo-ar Herrera, tagapagsalita ng Joint Task Force Marawi, sila ang mga nasugatang sundalo sa unang sigwada ng giyera sa Marawi City noong May 23.
Dagdag ni Herrera, magdadalawang buwan na aniya ang nakalipas at gumaling na ang kanilang mga sugat.
Sinabi pa ni Herrera na gusto na ng mga sugatang sundalo na samahan ang kanilang tropa sa paglaban sa mga terorista.
Pursigido rin aniya ang mga sugatang sundalo na tapusin na ang giyera sa Marawi City sa lalong madaling panahon.
Samantala, patuloy ang bakbakan at umaalingawngaw pa rin ang palitan ng putok ng magkabilang panig.
Sa kasagsagan ng putukan, tinamaan ng ligaw na bala ang gusali ng Kapitolyo ng Lanao Del Sur.
Nabutas ang salaming bintana ng gusali dahil sa tama ng bala. Sa nasabing lugar umano natutulog si Lanao Del Sur Assemblyman Zia Alonto Adiong.
LOOK: Tinamaan ng ligaw na bala ang bintana ng kapitolyo ng Lanao del Sur | @wiljonjrabejero pic.twitter.com/etzAFVQ0l7
— RadyoInquirer990AM (@dzIQ990) July 20, 2017
LOOK: Sa kabila ng patuloy na putukan, hindi alintana ng mga bata ang panganib | @wiljonjrabejero pic.twitter.com/K79ZmtzcI9
— RadyoInquirer990AM (@dzIQ990) July 20, 2017
JUST IN: Kapitolyo ng Lanao Del Sur, tinamaan ng ligaw na bala | @chonayu1 pic.twitter.com/OCwic2NStm
— RadyoInquirer990AM (@dzIQ990) July 20, 2017
Tumama ang bala sa bintana ng gusali. @chonayu1 pic.twitter.com/FSapG07j7x
— RadyoInquirer990AM (@dzIQ990) July 20, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.