Oscar-winning actor Martin Landau, pumanaw sa edad na 89

By Dona Dominguez-Cargullo July 17, 2017 - 09:45 AM

Pumanaw na sa edad na 89 ang Oscar-winning actor na si Martin Landau.

Si Landau ay pumanaw sa pagamutan, ilang araw matapos siyang ma-confine dahil sa hindi tinukoy na sakit.

Umabot sa halos 200 pelikula at television shows ang nagawa ni Landau sa kabuuan ng kaniyang career.

At ang unang break niya sa telebisyon ay ang “Mission: Impossible” noong 1966 kung saan siya humakot ng awards mula sa Emmys at Golden Globe Award.

Pinakamalaking role naman na kaniyang pinagbidahan sa pelikula ay ang “North by Northwest”.

Si Landau ay na-nominate para sa Best Supporting Actor Academy Award noong 1988 para sa pelikulang “Truker: The man and His Dream” pero hindi siya pinalad sa Oscar gayunman, nakuha niya naman ang nasabing award sa Golden Globe.

Noong 1994 nang magwagi na siya bilang Best Supporting Actor sa Oscar para sa pelikulang “Ed Wood”.

 

 

 

 

TAGS: Hollywood, Martin Landau, Mission Impossible, Radyo Inquirer, Hollywood, Martin Landau, Mission Impossible, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.