Sec. Aguirre, irerekomenda si Ret. Gen. Dionisio Santiago para maging bagong BuCor director

By Erwin Aguilon July 14, 2017 - 11:23 AM

Magbibigay ng bagong pangalan si Justice Secretary Vitaliano Aguirre II kay Pangulong Rodrigo Duterte kapalit ng nagbitiw na si General Benjamin Delos Santos.

Ayon kay Aguirre, nais niyang humalili kay Delos Santos si retired General Dionisio Santiago.

Sinabi nito na kahapon natanggap niya ang resignation letter ni Delos Santos at nakatakdang niyang ipadala ngayong araw sa palasyo.

Nagbitiw si Delos Santos sa BuCor kasunod ng pahayag ng kalihim na balik na muli ang kalakaran ng droga roon.

Sa kanyang resignation letter sinabi naman ni delos Santos para bigyang daan ang imbestigasyon sa muling pag usbong ng bilibid drug trade.

Kakatalaga lamang ni Pangulong Duterte kay Santiago bilang chairman ng Dangerous Drugs Board (DDB).

 

 

 

TAGS: bucor, DDB, Dionisio Santiago, bucor, DDB, Dionisio Santiago

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.