Eroplano ng Cebu Pacific na pabalik sana ng Pilipinas galing Vietnam, nakitaan ng technical problem

By Dona Dominguez-Cargullo July 12, 2017 - 10:28 AM

FILE PHOTO

Nakaranas ng technical problem ang isang eroplano ng Cebu Pacific na pabalik ng Pilipinas galing sa Vietnam.

Sa abiso ng Cebu Pacific, kinansela ang flight 5J572 mula Ho Chi Minh to Manila matapos na makataan ng technical problem ang eroplano sa isinagawang pre-flight inspection.

Kaninang ala 1:05 ng madaling araw sana ang alis ng nasabing flight sa Vietnam.

Hindi naman nagbigay ng detalye ang Cebu Pacific hinggil sa kung ano ang partikular na naging problema ng eroplano.

Tiniyak naman ng Cebu Pacific na binigyan nila ng hotel accommodation ang mga apektadong pasahero habang inaayos ang pagkuha ng bagong flight para sa kanila pabalik ng Maynila.

Samantala, kinansela naman ng Cebu Pacific ang dalawa nilang domestic flights sa NAIA.

Sa abiso ng Manila International Airport Authority, kanselado ang DG 6111 – Manila Naga at DG 6112 Naga to Manila ng CebGo

Ito ay dahil sa masamang panahon na nararanasan sa Naga.

Ang mga apektadong pasahero ay maaring magparebook ng flight o kaya ay i-refund ang kanilang pamasahe.

Sa abiso ng PAGASA, hindi magiging maganda ang panahon sa Bicol region at makararanas ng thunderstorms ngayong maghapon

 

 

 

 

 

 

 

 

 

 

 

TAGS: cebu pacific, flight cancellation, manila, Radyo Inquirer, technical problem, Vietnam, cebu pacific, flight cancellation, manila, Radyo Inquirer, technical problem, Vietnam

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.