WATCH: Pacquiao, namigay ng pera sa mga kapitbahay sa General Santos City
Hindi man nanalo si Pambansang Kamao Manny Pacquiao sa katatapos na laban kay Jeff Horn sa Australia ay nagbahagi pa rin ito ng kanyang kinitang pera sa mga kapitbahay sa General Santos City.
Sa isang video na naka-post sa kanyang Facebook account, makikita na namimigay si Pacquiao ng pera sa mga kabataan.
Mapapanood sa video ang mga nakapilang bata kung saan ang iba pa dito ay kasama ang kanilang magulang sa harapan ni Pacquiao.
Maririnig pa ang pambansang kamao na sinabi ang mga salitang “this is why I fight” habang nagbibigay ng pera.
Matatandaang naging kontrobersyal ang pagkatalo ni Pacquiao sa laban nila ni Horn sa Brisbane Australia kung saan unanimous ang naging desisyon ng mga hurado.
Matapos ang nasabing laban, agad na dumiretso si Pacquiao sa GenSan na kanyang hometown.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.