Dela Rosa: Vigilante posibleng pumatay sa 2 suspek sa Bulacan massacre

By Chona Yu July 05, 2017 - 08:09 PM

Hindi isinasantabi ni PNP Chief Ronald Dela Rosa na maaring kagagawan ng vigilante ang pagpatay sa dalawang “persons of interest” na isinasangkot sa pagmasaker sa isang pamilya sa San Jose Del Monte Bulacan.

Paliwanag ni Dela Rosa, kung pagbabasehan ang uri ng pagpatay sa mga persons of interests na sina Ronald Pacinos alyas “Inggo” at Roosevelt Sorima, alyas “Pong” ay mistulang may galit ang salarin sa dalawa.

Pero agad namang dumpensa si Dela Rosa sa pagsasabing hindi pulis ang pumatay sa dalawa kahit nag- utos si Pangulong Rodrigo Duterte na dukutin, patayin at itapon sina alyas Ponga at Inggo.

Maari aniyang may ilang indbidwal ang may galit sa dalawa.

Kasabay nito, inatasan na ni Dela Rosa ang Bulacan PNP na magsagawa ng imbestigasyon sa pagkakapatay sa dalawang persons of interest.

Sina alyas “Ponga” at “Inggo” ang idinadawit ng suspek na si Carmelino Ibanez na kasamang pumatay sa mga biktimang sina Auring Carlos, Estrella Carlos at tatlo nitong anak.

TAGS: Bulacan, dela rosa, san jose del monte, vigilante, Bulacan, dela rosa, san jose del monte, vigilante

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.