French fitness blogger, patay matapos sumabog ang ginagamit na whipped cream dispenser
Nasawi ang isang sikat na French fitness blogger makaraang sumabog ang ginagamit nitong whipped cream dispenser at tumama sa kaniyang dibdib.
Si Rebecca Burger, 33 anyos na sumusulat tungkol sa fitness at travel ay mayroong 55,000 na flowers sa Facebook at 154,000 Instagram followers.
Pumanaw si Burger sa Mullhouse, eastern Frannce makaraang masabugan ng dispenser na nagresulta ng heart attack.
Dahil sa nangyari kay Burger, nagbabala ang kaniyang pamilya hinggil sa paggamit ng nasabing dispenser.
Anila maaring libu-libo pang depektibong whipped cream dispenser ang nasa merkado.
Sa ulat ng isang French consumer magazine, mayroon nang 60 kaso ng pagsabog ng nasabing kagamitan. Nagresulta umano ito ng pagkasugat ng mga nabiktima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.