TNT, tinalo ang San Miguel sa Game 1 ng PBA Finals

By Rhommel Balasbas June 22, 2017 - 04:21 AM

 

PBA images/Inquirer.net

Bagamat nakaranas ng toe injury, hindi ito ininda ni Joshua Smith upang mapasakamay ng Talk N text ang pagkapanalo sa Game 1 ng PBA Commissioner’s Cup Finals sa Araneta Coliseum kagabi.

Tabla ang dalawang koponan sa iskor na 102-102 sa natitirang 7.6 seconds ng laro.

Dalawang segundo bago maubos ang oras, nagpakawala si Smith ng isang baby hook malapit sa 3-pointer line kung saan umikot pa ang bola sa ring bago ito pumasok.

Kahit iika-ika, napatakbo si Smith sa kabilang court dahil sa nararamdamang saya matapos maipanalo ang laro sa iskor na 104-102.

Nagtala ang manlalaro ng 21 points at nakakuha ng 9 rebounds.

Ayon naman kay Leo Austria ng Beermen, mas maghahanda sila at babantayang maigi si Smith sa game 2 na magaganap bukas ng gabi.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.