Apat na babae ang nasugatan matapos salpukin ng isang bus ang isang pampasaherong jeep sa kanto ng Airport Road at Roxas Boulevard sa Parañaque City.
Ang apat na nasugatan ay pawang pasahero ng bus at nagtatrabaho sa isang casino.
Sa sobrang lakas ng pagkakasalpok, wasak na wasak ang likurang bahagi ng jeep habang nabasag naman ang harapang salamin ng bus at nayupi ang kanang bahagi nito.
Isa sa mga nasugatan ay walang malay ng isugod sa ospital.
Ayon sa konduktor ng Magic Line Bus na si John Macadangdang, galing sila sa Coastal at pauwi na sa Sapang Palay nang mawalan umano sila ng preno kaya nasalpok nila ang jeep na noon ay nagbababa ng pasahero.
Agad na hinuli ng mga pulis ang driver ng bus habang tumakas naman ang tsuper ng jeepney.
WATCH: Sugatan ang 4 na babae matapos salpukin ng isang bus ang pampasaherong jeep sa Airport Rd cor Roxas Blvd sa Paranaque | @jongmanlapaz pic.twitter.com/KukHgRq2TG
— RadyoInquirer990AM (@dzIQ990) June 13, 2017
Isa sa apat na babaeng sugatan ay walang malay nang isakay sa ambulasya | @jongmanlapaz pic.twitter.com/C0tqToPwKA
— RadyoInquirer990AM (@dzIQ990) June 13, 2017
Ayon sa kunduktor ng Magic Line Express Bus, galing sila ng Coastal at pauwi ng Sapang Palay nang mawalan sila ng preno | @jongmanlapaz pic.twitter.com/FjYFdKaFUF
— RadyoInquirer990AM (@dzIQ990) June 13, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.