British-Pinoy kabilang sa mga patay sa London bridge attack

By Rohanissa Abbas June 06, 2017 - 03:36 PM

AP

Kabilang ang British-Filipino na negosyante sa pitong nasawi sa terror attack sa London, Sabado ng gabi, oras sa England.

Kinilala ang biktima bilang si James McMullan, 32 taong gulang mula sa Hackney, East London.

Naganap ang unang pag-atake sa London Bridge nang araruhin ng isang white van ang mga pedestrians.

Sumunod naman inatake ng mga suspek ang Borough market kung saan pinagsasasaksak ng mga ito ang mga tao.

Sa pangalawang atake namatay si McMullan.

Huli siyang nakita sa labas ng isang bar sa Borough High Street.

Napatay naman ng pulisya ang tatlong suspek.

Samantala, inako naman ng Islamic State ang naturang pag-atake sa London, ayon sa SITE Intelligence Group.

TAGS: DFA, is, londo, Pinoy, DFA, is, londo, Pinoy

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.