Tatlong magkakahiwalay na pag-atake, naganap sa London

By Rod Lagusad June 04, 2017 - 07:44 AM

Rumeresponde ang pulisya sa London sa tatlong emergency incidents.

Naganap ang pag-atake bandang 10 pm, oras sa London sa mga matataong lugar sa lungsod.

Isa dito ang pag-araro sa London Bridge, ang pananaksak sa Borough Market at isa pang insidente sa Vauxhall.

Ayon sa British Transport Police, merong mga namatay kaugnay ng naturang pag-atake.

Naganap ang unang pag-atake sa London Bridge kung saan inararo ng isang van ang mga pedestrians dito.

Nagsisi-alisan ang mga tao palayo sa naturang landmark sa London na malapit lang sa Borough Market.

Ayon sa mga saksi, may taong nasaksak sa lugar na binibigyan ng CPR matapos saksakin.

TAGS: london, London Bridge, london, London Bridge

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.