Hindi nagustuhan ng grupong Gabriela ang rape joke na sinabi ni Pangulong Rodrigo Duterte makaraan niyang bisitahin ang mga tauhan ng militar sa Iligan City kahapon.
Sinabi ng Gabriela na dapat mag-ingat ang pangulo sa kanyang pananalita dahil hindi magandang biro ang salitang “rape”.
Nauna dito ay sinabi ng pangulo na sasamahan niya sa kulungan ang mga sundalo kapag nakasuhan ang mga ito ng rape sa pagtupad sa kanilang tungkulin.
Imbes na mag-joke, sinabi ng Gabriela na dapat na itaas ng pangulo ang morale hindi lamang ng mga sundalo kundi ng mga tao sa Mindanao na ngayon ay nasa ilalim ng martial law.
Sa halip na magbiro tungkol sa rape, sinabi ng Gabriela na mas dapat tiyakin ng pangulo na hindi maaabuso ang karapatan ng mga kababaihan sa pagpapatupad ng gobyerno ng batas militar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.