Co-author sa tax reform bill bumaliktad sa pagsuporta sa panukala

By Erwin Aguilon May 22, 2017 - 05:09 PM

TinioUmatras na rin bilang co-author ng Tax Reform Bill sa Kamara si ACT Partylist Representataive Antonio Tinio.

Base sa liham ni Tinio kay House Secretary General Cesar Pareja, ipinaabot nito na boboto siya ng “No” sa House Bill 5636 o Tax Reform for Acceleration and Inclusion o TRAIN.

Sinabi ni Tinio na hindi na niya kayang suportahan ang panukalang batas dahil mas lalo lamang itong magpapahirap sa mga mahihirap na taliwas sa kanyang adbokasiya.

Ang kanyang pag-atras bilang co-author ayon sa mambabatas ay dahil may mga probisyon sa consolidated version ng tax reform na iba sa kanyang probisyon.

Si Tinio ay co-author ng panukala dahil sa kanyang house bill 57 na naglalayong ibaba ang income tax ng mga manggagawa para malaki ang maiuwi ng mga ito.

Nauna ng umatras bilang co-author ang isa ring miyembro ng Makabayan Bloc na si Bayan Muna Rep. Carlos Isagani Zarate.

TAGS: ACT, tax reform bill, tinio, ACT, tax reform bill, tinio

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.