Manny Pacquiao, nagsimula na sa kanyang sparring sessions
Sinimulan na ni Pambansang Kamao at Sen. Manny Pacquiao ang kanyang sparring session
Naganap ang sparring session ng eight-division world champion sa Elorde Gym sa SM Mall of Asia sa Pasay, kahapon, araw ng Sabado.
Ito ay bahagi ng paghahanda ni Pacquiao sa nakatakdang pagdepensa niya sa kanyang WBO welterweight belt laban kay Australian boxer Jeff Horn sa July 2 sa Brisbane, Australia.
Tig-dalawang rounds ang tinagal ng sparring session ni Pacquiao kina Leonardo Doronio at Sonny Katiandagho.
Ayon kay Buboy Fernandez, assistant trainer ni Pacquiao, kuntento siya sa ipinakitang lakas ng pambansang kamao.
Nagsimula ang light training ni Pacquiao noong nakaraang May 8.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.