Panghuhuli sa lalabag sa nationwide smoking ban trabaho din ng PNP
Bibigyan ng kapangyarihan ni Pangulong Rodrigo Duterte ang Philippine National Police na manghuli sa mga lalabag sa nationwide smoking ban.
Base sa Executive Order Number 26 na nilagdaan ng pangulo, mahipit na ipinagbabawal ang paninigailyo o sa mga pampublikong lugar at mga enclosed places.
Saklaw din sa dagdag responsibilidad ng mga pulis ang tutukan ang mga establisyemento at mga retailer o mas kilala na takatak boys na magbebenta ng sigarilyo sa mga menor de edad.
Bukod sa pulisya, binibigyang direktiba din ang Task Force Smoke Free ng bawat munisipalidad at siyudad na ipatupad ang nabanggit na EO.
Batay sa probisyon ng Republic Act 9211, multang limang libong piso o pagkakulong ng hindi hihigit sa 30 araw ang magiging kaparusahan sa sinumang lalabag sa nilagdaang executive order na ipatutupad sa buong bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.