Alejano, dudulog sa ICC matapos mapatay sa Kamara ang Duterte Impeachment

By Isa Avendaño-Umali May 15, 2017 - 09:45 PM

ALEJANO SUPPLEMENTAL IMPEACHMENT COMPLAINT VS DUTERTE 1Hindi pa tapos ang laban ni Magdalo Party-list Rep. Gary Alejano.

Matapos patayin ng Kamara ang kanyang impeachment complaint kontra kay Pangulong Rodrigo Duterte, dudulog si Alejano sa International Criminal Court o ICC.

Sa isang pulong balitaan, sinabi ni Alejano na malinaw na nagkaroon ng railroading sa pagdinig ng House Justice Committee sa kanyang reklamo.

Pero dahil malabong makahingi siya ng saklolo sa Korte Suprema o Department of Justice, aakyat siya sa ICC.

Makikipag-pulong aniya siya sa mga taga-Magdalo upang isapinal ang kanilang susunod na hakbang.

Samantala, walang pakialam si Alejano kung sampahan siya ng ethics complaint o perjury dahil sa kanyang paghahain ng impeachment complaint laban kay Duterte.

Wala aniyang problema kung kakasuhan siya at kung umabot pa sa pagkatanggal sa kanya sa pagiging kongresista.

Sa hearing kanina, binalaan siya ni House Majoriy Leader Rudy Fariñas na delikado sa ethics complaint at perjury si Alejano, lalo na nang makwestyon kung authentic ba ang mga ebidesya nito laban sa pangulo.

TAGS: gary alejano, ICC, Impeachment complaint, rodrigo duterte, gary alejano, ICC, Impeachment complaint, rodrigo duterte

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.