Duterte sa pagdinig ng Kamara sa impeachment complaint laban sa kanya: “Go for the truth”

By Isa Avendaño-Umali May 14, 2017 - 07:22 PM

 

Duterte Peru2“Go for the truth.”

Yan ang pahayag ni Pangulong Rodrido Duterte bago ang nakatakdang pagdinig ng Kamara sa inihaing impeachment complaint ni Magdalo PL Rep. Gary Alejano.

Ayon sa presidente, wala naman siyang inaasahan kundi mailabas ang katotohanan.

Si Duterte ay nasa Beijing, China para sa Belt and Road Forum.

Sa Lunes (May 15), sisimulan na ng House Committee on Justice ang pagbusisi sa impeachment complaint kontra sa punong ehekutibo.

Kabilang sa grounds ay culpable violation of the Constitution, betrayal of public trust, graft, bribery at other high crimes.

Ayon kay Alejano, marapat na papanagutin si Duterte sa extra judicial killings sa kasagsagn ng war against drugs ng administrasyon, maging sa aniya’y mistulang pagbenta ng pangulo sa China ng West Philippine Sea at Benham Rise.

Pero mismong si Alejano ang umamin na kulang ang numero upang mai-akyat ang kanyang reklamo sa Senado na tumatayong impeachment court.

 

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.