Presyo ng petrolyo, may malaki-laking rollback ngayong araw
Mas malaki ang magiging pagbaba sa presyo ng produkto ngayong araw.
Sa kanilang magkakahiwalay na anunsyo, magkakaltas ng 90 centavos sa bawat litro ng kanilang gasolina ang mga kumpanyang UniOil, Phoenix, Total, PTT, Petron, SeaOil, Eastern, at Shell epektibo alas-6:00 ng umaga.
Samantala, bababa naman ng 1.05 pesos ang presyo ng kada litro ng diesel ng mga nasabing kumpanya.
Magpapatupad rin ng 95 centavos na rollback sa kada litro ng kerosene ang Petron, habang 90 centavos naman sa SeaOil at Flying V.
Pareho din ang ibinaba ng presyo ng gasolina at diesel ng Flying V na nauna nang nagpatupad kaninang hatinggabi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.