Naging number 1 overall pick sa 2015 PBA draft ang Filipino-Tongan player na si Moala Tautuaa na ginanap sa Robinsons Place Manila.
Napunta ang six foot- seven na si Tautuaa sa koponan ng Talk ‘n Text.
Gayunman, hindi nakadalo si Tautuaa sa draft day dahil kasama ito sa koponan ng Gilas Pilipinas na nagsasagawa ng 3-game exhibition sa Estonia.
Number 2-overall pick naman si National University standout Troy Rosario at napunta sa Mahindra Enforcers o ang dating Kia Carnival.
Nasa ikatlo naman ang Fil-American guard na si Maverick Ahanmisi na napunta sa Rain or Shine habang number four pick si Ateneo guard Chris Newsome na napunta sa Meralco.
Nasa ika-limang pick si NCAA Most Valuable Player Scottie Thompson na napunta sa Ginebra habang nasa ikaanim na pick si Gravo Lanete na napunta sa NLEX Road Warriors.
Ika-pitong draftee si Baser Amer na napunta sa Meralco Bolts habang ikawalo si Norbert Torres na napunta sa Star Hotshots.
Pang-siyam na pick si Art dela Cruz na napunta sa Blackwater Elite habang nasa ikasampung si Glenn Khobuntin na napunta sa NLEX road warriors./ Chona Yu
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.