Abugado ni Robin Padilla, itinalaga bilang government corporate counsel ng Duterte admin
Itinalaga ni Pangulong Rodrigo Duterte ang abogado ng aktor na si Robin Padilla bilang government corporate counsel ng pamahalaan.
Sa appointment letter na may petsang April 18, kanyang itinatalaga sa naturang posisyon si Atty. Rudolph Philip Jurado, isang trial lawyer.
Sa kanyang isinumiteng resume’ isinasaad na ilan sa mga kasong hinawakan nito ay ang kontrobersyal na kaso ni Robin Padilla noong ito ay nahulihan ng mga baril noong 1993.
Si Jurado rin ang nagpanalo sa kaso ng komedyante at pulitiko na si Joey Marquez nang makasuhan ito habang alkalde pa ng Paranaque City.
Nagsisilbi ring legal adviser ng aktres na si Anne Curtis ang 53-anyos na abogado.
Si Jurado ay anak ng yumaong Court of Appeals Justice na si Desiderio Jurado.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.