Si Miss Universe 2015 Pia Wurtzbach ang magho-host ng Binibining Pilipinas 2017.
Ito ang kinumpirma ni Jonas Gaffud, manager ni Queen Pia.
Bukod naman kay Pia, ang iba pang host sa coronation night ay si KC Concepcion.
Ang coronation night ng Binibining Pilipinas 2017 ay gaganapin sa darating na April 30 sa Araneta Coliseum.
Matatandana na tatlong beses na sumali sa Binibining Pilipinas si Pia bago siya maitanghal bilang Miss Universe Philippines, hanggang sa maging ikatlong Filipinas na magwagi bilang Miss U.
Inaasahang present din si Binibining Pilipinas 2016 Universe Maxine Medinan at Miss World 2016 Kylie Versoza.
Apatnapung kandidata ang maglalaban-laban sa mga titulong Miss Universe Philippines 2017; Bb. Pilipinas International 2017; Bb. Pilipinas Supranational 2017; Bb. Pilipinas Intercontinental 2017; Bb. Pilipinas Globe 2017; Bb. Pilipinas Grand International 2017; Bb. Pilipinas United Continents 2017; Bb. Pilipinas 1st Runner-up at Bb. Pilipinas 2nd Runner-up.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.