DND, walang nakikitang problema sa presenya ng China sa pinag-aagawang mga isla sa Kalayaan.
Wala umanong nakikitang problema ang Department of National Defense sa presensya ng China sa isla malapit sa Pag-asa Island.
Ayon kay Defense Sec. Delfin Lorenzana, maari naman mag-coexist ang tropa ng China at Pilipinas ng walang namumuong tensyon.
Samantala, sa pagbisita ng kalihim sa isla kasama si AFP Chief of Staff Gen. Eduardo Año, kinumusta nito ang mga sundalong nagbabantay sa isla kasabay ng pangako ng pagpapagawa ng pasilidad at mga tinutuluyan ng mga sundalo.
Ikinatuwa naman ng mga sundalo ang pagbisita ng kalihim at umani ng malakas na palakpakan ng sabihin ng kalihim na balang araw ay madadalaw na rin ng kanilang pamilya at kaanak ang mga sundalong nagbabantay sa isla.
Kada dalawang buwan ay natatalaga ang mga sundalo sa isla para magbantay.
May siyam na isla ang tinututukan at binabantayan ng pamahalaan kabilang pa dito ang isang bahura o islet.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.