Pulis, patay sa pamamaril sa Paris; suspek, napatay rin
Isang pulis ang nasawi habang dalawang iba pa ang nasugatan sa pamamaril sa Central Paris.
Nasawi rin ang suspek sa pamamaril na naganap sa Champs-Elysees Shopping Boulevard, ilang araw lang bago ang presidential elections sa france.
Ayon sa isang testigo na nakapanayam ng Reuters, isang lalaki ang bumaba sa sasakyan at biglang namaril gamit ang machine gun.
Isang police source rin ang nagsabi na may mga nagpaputok pa ng baril sa iba pang lokasyon malapit sa unang pinangyarihan ng insidente.
Sinabi naman ng French Interior Ministry na masyado pang maaga para tukuyin ang motibo sa pamamaril, pero malinaw na mga pulis ang target ng mga suspek.
Sinimulan naman na ng Counter-Terrorism Office ng French Prosecutors’ Office ang imbestigasyon sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.