Batang tumalon sa gusali sa China habang gamit ang payong bilang parachute, nakaligtas
Himalang nakaligtas ang isang batang lalaki sa China matapos siyang tumalon mula sa ika-sampung palapag ng isang gusali.
Nagawa niya ito gamit lamang ang isang payong bilang kaniyang parachute.
Tumalon ang pitong-taong gulang na bata sa gusali habang hawak ang payong para gayahin ang nakita niyang cartoon character na ganitong din ang ginawa nang tumalon muna sa isang bintana.
Bagaman nasa ikalimang palapag lang ang apartment ng bata sa Suzhou, Jiangsu, sampung palapag ang katumbas ng taas nito dahil pawang mga penthouse at duplex ang mga tirahan doon.
Hindi naman talaga ang payong ang naka-salba sa kaniyang buhay, dahil napigil ang kaniyang pagbagsak nang sumabit siya sa kable ng kuryente na katapat ng ikalawang palapag.
Matinding nasugatan rin ang bata, pero wala namang naging banta sa kaniyang buhay pagkatapos siyang isailalim sa emergency surgery.
Ilang insidente na rin ang naitala sa China kung saan matinding nasusugatan ang mga bata matapos gayahin ang mga napapanood nila sa mga cartoon shows sa telebisyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.