Special travel advisory sa Bohol, inilabas ng South Korean foreign ministry
Hinikayat ng South Korean foreign ministry ang mga mamamayan nito na kanselahin o ipagpaliban muna ang kanilang mga byahe sa Bohol, at sa Northern Mindanao.
Naglabas ang South Korea ng ‘special travel advisory,’ isang linggo makalipas makasagupa ng militar ang bandidong Abu Sayyaf group sa Bohol. Ayon sa embahada, maihahalintulad ang ‘special travel advisory’ sa ‘Red Alert’ o ‘travel restriction.’
Magtatagal ang naturang ‘special travel advisory’ hanggang April 23.
Inabisuhan ng embahada ang South Koreans na manatiling alerto sa banta ng terorsimo. Dagdag ng South Korean foreign ministry, patuloy nitong binabantayan ang sitwasyon ng seguridad sa Bohol at Northern Mindanao, at pahahabain pa ang bisa ng travel advisory, depende sa sitwasyon sa mga naturang lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.