Pangulong Duterte, pauwi na ng Pilipinas matapos ang 1-linggong Middle East trip
Pauwi na si Pangulong Rodrigo Duterte sa Pilipinas, makalipas ang ilang araw niyang state visit sa Middle East.
Umalis ng Doha International Airport sa Qatar ang presidente dakong 1:30 ng hapon doon o 6:30 ng gabi dito sa Pilipinas.
Bago siya bumiyahe-pauwi, nakipag-pulong muna si Duterte sa ibang Qatari officials.
Nakipag-kita rin siya kay Qatari Emir Sheikh Tamim bin Hamad bin Khalifa Al Thani.
Inaasahan na haharapin ni Duterte ang nasa isang daan at limampung Overseas Filipino Workers o OFWs na na-repatriate o pauwi na mula sa Saudi Arabia.
Dadalaw din ang punong ehekutibo sa burol ng isang sundalo.
Noong Lunes Santo (April 10), nagsimula ang state visit ni Duterte sa Middle East, kung saan nagtungo siya sa Saudia Arabi, Bahrain at Qatar.
Ayon kay Trade Secretary Ramon Lopez, ang Middle East trip ng presidente ay bahagi ng ‘Dutertenomics’, na nagsusulong ng 10-point socioeconomic agenda ng administrasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.