Publiko, pinag-iingat sa halu-halo na nabibili sa lansangan

By Inquirer, Jay Dones April 05, 2017 - 04:25 AM

 

Inquirer file photo

Nagbabala ang Department of Health sa publiko na mag-ingat sa pagbili ng mga halu-halo kung saan saan ngayong malapit nang ideklara ang panahon ng tag-init.

Ito’y dahil malaki ang posibilidad na mabiktima ng food poisoning ang sinumang makakakain ng halu-halo na marumi ang pagkakagawa o di kaya ay ginamitan ng marumi o di kaya ay kontaminadong yelo.

Palalala ni Health Secretary Paulyn Jean-Ubial, dapat tiyakin ng mamamayan na malinis ang pinagmumulan at pagkakagawa ng mga binibiling halu-halo sa mga lansangan.

Kung marumi aniya ang preparasyon ng mga sangkap at yelo na ginagamit sa halu-halo, ay posibleng makaranas ng pananakit ng tiyan ang mga makakakain nito.

Ang yelo aniya na ginagamit sa mga halu-halo na nabibili sa mga lansangan ay posibleng pagmulan ng mga bacteria tulad ng salmonella at amoeba na kung makakain ng tao ay posibleng magdulot ng pagsusuka at pagdudumi.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.