“Palit-Bise” rally sa Luneta, umarangkada na
Dumagsa ang mga taga-suporta ni Pangulong Rodrigo Duterte sa Quirino Grandstand para sa rally laban kay Vice President Leni Robredo o binansagang ‘Palit-Bise’.
Ang naturang rally ay inilunsad ng ilang kilalang supporters ni Duterte gaya ng kontrobersyal na blogger na si Mocha Uson, Atty. Bruce Rivera at iba pa.
Ang ‘Palit-Bise’ ay mula sa katagang ‘palit-ulo’ na matatandaang ini-ulat ni Robredo sa United Nations o U.N. ukol sa war against drugs ng administrasyong Duterte.
Ayon kay Robredo, ang palit-ulo ay mistulang nakasanayan ng Philippine National Police, na itinanggi naman ni PNP Chief Ronald dela Rosa.
Layon umano ng ‘Palit-Bise’ rally na ipanawagan na mapatalsik sa pwesto si Robredo dahil sa kanyang video message sa U.N.
Nauna nang nagbanta ang grupo nina Mocha at Rivera na maghahain ng impeachment complaint laban kay Robredo sa Kamara
Nagsumite na rin si Atty. Oliver Lozano ng isang draft ng kanyang impeachment complaint kontra kay Robredo sa Lower House.
Sa panig naman ni House Speaker Pantaleon Alvarez, sinabi nito na pag-aaralan niya ang pag-endorso o hindi sa naturang reklamo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.