Fire under control na ang sunog na sumiklab sa Algerias St., Sampaloc, Maynila.
Eksakto alas-6:17 ng umaga nang ideklara ng Bureau of Fire Protection na kontrolado na ang apoy na tumupok sa isang residential area.
Nagsimulang kumalat ang apoy alas-4:29 ng madaling araw sa mga dikit-dikit na kabahayan na pawang gawa sa light materials.
Ayon kay Sr. Insp. Reden Alumno, isang pagsabog mula sa 3rd floor ng bahay ng pamilya Castro nagsimula ang apoy.
Tatlo naman ang sugatan sa sunog kabilang na ang isang residente na si Analyn Cafe at dalawang fire volunteers na sina Cris Salva at Justin Ramos.
Nahirapan ang mga bumbero na apulahin ang apoy dahil sa gitna nagsimula ang sunog at hindi makapasok ang mga fire truck dahil sa masisikip na eskenita.
Tinatayang aabot sa mahigit P200,000 ang halagang tinupok ng apoy.
Nagpapatuloy naman ang imbestigasyon ng Bureau of Fire Protection sa pinagmulan ng sunog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.