Pamamaril ng isang lalake sa nakaalitan sa trapik, sapul ng camera

By Jay Dones March 20, 2017 - 04:32 AM

 

Courtesy CCPO/CDN

Subject ngayon ng manhunt ang isang lalakeng nakunan ng video habang binabaril ang kanyang nakaalitan dahil lamang sa away-trapiko sa lungsod ng Cebu Linggo ng madaling-araw.

Kitang-kita sa dashcam footage ang pamamaril ng suspek sa biktimang si Ephraim Montalbo Nuñal, isang male nurse na nagtamo ng dalawang tama ng kalibre .22 na baril sa kanyang hita at kasalukuyang ginagamot sa ospital.

Ayon sa imbestigasyon ng Cebu City Police Office homicide section, una nang naharangan ng Mercedes Benz na may plakang UWI-731 na minamaneho ng suspek ang Toyota Altis na minamaneho ng biktima habang binabagtas ng mga ito ang kahabaan ng F. Sotto St., Bgy. Kamputhaw, Cebu City dakong alas-3:00 ng madaling araw, Linggo.

Dahil dito, binusinahan ng biktima ang suspek.

Gayunman, galit na bumaba ang suspek kasama ang isang babae at dito nagkaroon ng komprontasyon sa pagitan ng dalawa.

Dito na kinuha umano ng suspek ang baril sa kanyang sasakyan at makalipas ang ilang segundo pang komprontasyon, ay bigla nitong binaril ang biktima bago tumakas.

Nakunan naman ang eksena ng dashboard camera ng sasakyang kasunod ng sasakyan ni Nuñal na sinisilip na hawak na ng mga otoridad upang pagkunan ng ebidensyang magagamit laban sa suspek.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.