Armored van bumangga sa isang fire hydrant sa QC, tubig bumulwak
Sumalpok ang isang armored van sa poste ng Meralco at nadamay pa ang fire hydrant at pader ng isang bahay sa Hemady Street Brgy. Kristong Hari, QC, Miyerkules, March 15 ng gabi.
Sa kabila ng pakiusap ng mga tauhan ng QC Police District na bumaba at makipag-usap sa mga otoridad at may-ari ng bahay hindi bumaba ang driver armored van na nakilala sa pangalang Esidro Belsa ng Armortech International Transporter Corporation.
Nakilala si Belsa sa pamamagitan ng iniabot nitong photocopy ng kanyang drivers license at ID.
Hindi rin bumaba ang dalawang kasamahan nito sakabila na tagaktak na sa pawis matapos na hindi na umaandar ang makina ng bumanggang armored van.
Halos magkasunod naman dumating sa lugar ang mga tauhan ng Meralco at Maynilad para ayusin ang bumubulwak na tubig ng fire hydrant at natumbang poste ng Meralco.
Ayon sa may-ari ng bahay na si Pasay City Retired Prosecutor Jesus Tiu, sasampahan niya ng kaso ang driver at kumpanya nito kapag hindi inayus ang nawasak na pader.
WATCH:
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.