Mga hindi kontento sa pamumuno ni Pangulong Rodrigo Duterte, hinimok na gayahin ang South Korea

By Chona Yu March 14, 2017 - 10:45 AM

duterte councilors pasayHinimok ni Pangulong Rodrigo Duterte ang publiko na gayahin ang South Korea kung saan pinatalsik si President Park Geun-Hye dahil sa isyu ng korupsyon.

Ayon sa pangulo, malaya ang sinuman na mag-rally para patalsilkin siya sa puwesto kung mabibigo siyang tuparin ang kanyang pangako na tuldukan ang problema sa ilegal na droga, korupsyon at kriminalidad.

Ayon pa sa pangulo, hindi na kinakailangan na kumuha ng permit to rally ang sinumang magnanais na magsagawa ng kilos protesta basta’t siguraduhin lamang na hindi makaabala sa kapwa lalo na sa daloy ng trapiko.

Kahit aniya araw – araw o gabi – gabi na magsagawa ng kilos protestsa ang milyun-milyong Filipino sa kalsada ay ayos lang sa kanya.

“You are free to ask for my dismissal, you can go out in the streets by the millions. Pero iyong pangako ko tutuparin ko iyan. I rise and fall on my election promises. Pag hindi ko kayang gawain iyang anung ipangako ko sa inyo, di alisin ninyo ako. Ngayon kunyari kay Park sa Korea. You can demonstrate every night and we will not require any permit, consent to that, go ahead. Every night, every day. Pero basta ako sa pagka-alam ko what I promised, I will do, drugs, corruption, criminality.” – PRRD

Dagdag ng pangulo, noon pa man, nakahanda siyang lisanin ang kanyang pwesto lalo na kung may isang tao na maglalakas loob na angkinin ang kanyang panunungkulan.

TAGS: duterte, lakas loob, Park Geun-hye, PRRD, pwesto, Rally, South Korean Persident, duterte, lakas loob, Park Geun-hye, PRRD, pwesto, Rally, South Korean Persident

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.