Liderato ng Kamara nanawagan na ibalik na ang kampanya kontra droga

By Isa Avedaño-Umali February 27, 2017 - 08:21 PM

OPLAN TOKHANG / OCTOBER 06, 2016 Alleged drug suspects line up during Operation Tokhang on a impoverished community in San Miguel, Binondo, Manila.Three were reported killed on the operation. INQUIRER PHOTO / RICHARD A. REYES
INQUIRER PHOTO / RICHARD A. REYES

Naniniwala si House Speaker Pantaleon Alvarez na kailangan na ring ibalik ng gobyernong Duterte ang giyera nito laban sa ilegal na droga.

Ayon kay Alvarez, kinakatigan niya ang panawagan ni Senador Allan Cayetano na buhayin na ang war against drugs matapos ihinto halos isang buwan na ang nakararaan.

Giit ni Alvarez, dapat ay tuluy-tuloy ang kampanya at laban sa droga hanggang sa matapos ang problemang ito.

Mahirap aniya kung urong-sulong ang hakbang ng pamahalaan sa mabigat na uri ng kampanya.

Dagdag ni Alvarez, ngayon ay batid na ng Duterte administrasyon kung saan ito nagkamali sa war against drugs.

Maaari umanong ayusin ang pagkakamali, subalit hindi maaaring hindi ituloy ang pagdurog sa mga sindikato, nagtutulak at gumagamit ng droga.

TAGS: Alvarez, duterte, PNP, War on drugs, Alvarez, duterte, PNP, War on drugs

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.