Dating hepe ng PNP-Avsegroup, itinalaga bilang bagong hepe ng PNP-Calabarzon
Itinalaga na bilang bagong regional director ng Philippine National Police (PNP) sa Calabarzon (Cavite, Laguna, Batangas, Rizal, Quezon) si Chief Supt. Ma. O Rañada Aplasca, na dating director ng PNP Aviation Security Group.
Ayon sa inilabas na pahayag ng public information officer ng Police Regional Office 4 (PRO-4) na si Supt. Chitadel Gaoiran, si Aplasca ay miyembro ng PMA “HInirang” Class of 1987.
Pinalitan ni Aplasca si Chief Supt. Valfrie Tabian na nagretiro noong February 24.
Sa pagsisimula niya sa kaniyang bagong posisyon, nagbigay agad si Aplasca ng tatlong marching orders sa mga pulis ng Calabarzon.
Ito ay ang “inspire and provide guidance and direction to all the units and personnel”; “encourage the performers and give reminders and redirection to the laggards and non-conformists” at “impose disciplinary actions to those who continue and insist not to conform.”
Si Tabian ay nanilbihan bilang director ng PRO-4 sa loob ng mahigit walong buwan, at nakilala sa iba’t ibang accomplishments, partikular na sa laban ng pamahalaan kontra iligal na droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.