WATCH: Mga estudyante sa Surigao City, balik-eskwela na matapos ang magnitude 6.7 na lindol
Balik-eskwela ngayong araw, Lunes, February 20, ang mga estudyante sa Surigao City mahigit isang linggo matapos tumama ang magnitude 6.7 na lindol sa Surigao Del Norte.
Sa Surigao Pilot School, nasa 50% hanggang 60% ng kabuuang bilang ng mga mag-aaral ang nakapasok na sa eskwela.
May mga guro din na hindi pa nakapasok, dahil patuloy pa ang pagkumpuni sa mga nasirang bahay, habang ang iba naman ay binaha bunsod ng pag-ulan na naranasan nitong nagdaang mga araw.
Ito ay para makatulong sa kanilang recovery process | @RickyBrozas pic.twitter.com/gN8uHjKC0H
— RadyoInquirer990AM (@dzIQ990) February 20, 2017
Ayon kay Atty. Salvador Acedilla, principal ng paaralan, tatlong silid-aralan nila ang napinsala ng matindi sa nangyaring lindol at idineklara nang “abandoned” at hindi ligtas gamitin.
Dahil dito, ang mga apektadong mag-aaral ng grades 3 at 6 ay sa covered court na lamang muna magka-klase.
Bilang tulong naman para sa recovery process ng mga estudyante, ngayong linggong ito ay hindi muna magle-lesson ang mag-aaral at sa halip ay magsasagawa lang ng iba’t ibang aktibidad gaya ng kantahan at ehersisyo.
Sa loob ng linggong ito, kantahan, ehersisyo at iba pang aktidbidad ang ipapagawa sa mga estudyante | @RickyBrozas pic.twitter.com/znROOut0Cw
— RadyoInquirer990AM (@dzIQ990) February 20, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.