WATCH: 21st Philippine International Hot Air Balloon Fiesta sa Pampanga

By Isa Avendaño-Umali February 09, 2017 - 08:25 AM

Kuha ni Isa Umali
Kuha ni Isa Umali
Umarangkada na ang 21st Philippine International Hot Air Balloon Fiesta, sa Clark, Pampanga.

Ngayong araw, February 9, ang simula ng event na tatagal hanggang February 12, 2017.

Sa apat na araw na festival, tampok ang iba’t ibang hot air balloons.

Alas 4:00 pa lamang ng umaga ay nagbukas na ang gates, at dagsa na agad ang mga tao.

May mga pamilya, ang iba’y mga estudyante na nakasakay pa sa mga bus.

Ang tickets ay P350 bawat isa, habang sa mga nais sumakay sa hot air balloon at makalibot, tumataginting na 350 US dollars o nasa P17,000 ang bayad.

Kabilang naman sa iba pang aktibidad sa hot air balloon fiesta ay katatampukan ng paragliders, skydivers, radio controlled aircraft, dancing kites, at iba pang aerial exhibitions.

May tickets din na mabibili para ma-experience ang skydiving, paragliding, at aircraft flights.

Bukod naman sa mga aktibidad ngayong umaga, mayroon din mamayang hapon.

Patok ang hot air balloons na Yoda, clown o payaso, at bandila ng Pilipinas.

Dumalo sa festival si Department of Tourism (DOT) Usec. Kat de Castro na sinabing gusto sanang pumunta ni Pangulong Rodrigo Duterte, pero may nauna na raw commitment.

Paalala ng organizers sa publiko, bawal magcamping dito sa loob ng ground.

Ibig sabihin, makalipas ang alas 10:00 ng gabi ay bawal na sa lugar at palalabasin na ang mga tao.

TAGS: Clark Pampanga', festival, hot air balloon, Clark Pampanga', festival, hot air balloon

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.