Personalized stamp, singing Kartero, handog ng PHLPost para sa Valentine’s week
“Singing Kartero” na maghahatid ng packages gaya ng bulaklak at chocolates, at personalized stamp ang pakulo ng Philippine Postal Corporation (PHLPost) para sa Valentine’s week.
Mula ngayong araw, pwedeng nang magpadala ng bouquet ng bulaklak, greeting cards at iba pa, at para mas maging espesyal, ihahatid ito ng “Singing Karteros” ng PHLPost sa halagang P2,000.
Kung wala namang maghahatid na “Sing Karteros” pwedeng i-avail ang “domestic express mail package” at maaring pumili ng chocolates, bulaklak, greeting cards, stuffed toys, cakes at iba pa sa halagang P200 sa unang 1,000 grams
May alok din na personalized stamps ang PHLPost sa halagang P17 kada isa kung saan pwedeng mailagay ang picture ng magpapadala ng liham sa nasabing stamp.
Para sa mga collectors, naglabas ang PHLPost ng Valentine’s Day limited edition stamps na nasa 101,000 copies at ang halaga ay P12 kada isa.
Ang “Love Express services” ng PHLPost ay tatagal mula ngayong araw, February 8 hanggang 14.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.