Lalaking nasa drug watchlist, patay matapos manlaban sa mga pulis sa Tondo, Maynila

By Cyrille Cupino January 27, 2017 - 04:21 AM

 

File photo

Dead on the spot ang isang hinihinalang drug pusher matapos manlaban sa mga pulis sa ikinasang buy-bust operation sa N. Zamora St., Tondo, Maynila.

Batay sa imbestigasyon, nagpanggap na bibili ng shabu ang isang ‘asset’ ng mga pulis mula sa suspect na si Mario Arante, 51-anyos.

Nang matanggap na ng suspect ang marked money na halagang dalawang daang piso, nag-deklara na ang mga pulis na aarestuhin ito.

Sa halip na sumuko, bumunot pa ng baril ang suspect at pinaputukan ang mga pulis.

Nakuha sa kamay ng suspect ang 10 sachet ng hinihinalang shabu, mga drug paraphernalia at isang caliber .38 na baril.

Arestado naman ang mga kasama ng suspect na sina Renante Reyes at Cynthia Tiongson.

Ayon sa Abad Santos Police Community Precint, matagal nang nasa kanilang drug watchlist ang napatay na suspect.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.