62 units ng Valisno Bus Line, sinuspinde ng LTFRB

August 12, 2015 - 12:37 PM

jun corona (2)
Kuha ni Jun Corona

Pinatawan ng suspensyon ng Land Transportation Franchising and Regulatory Board (LTFRB) ang mga bus ng Valisno Express matapos masangkot sa aksidente ang isang unit nito sa Quirino Highway, kaninang umaga, Miyerkules.

Apat ang nasawi at labinganim ang nasugatan sa naturang aksidente matapos bumangga sa arko sa boundary ng Quezon City at ng Caloocan ang bus na may plate number na TXV 715.

Ayon sa LTFRB, 30 araw ang suspensyon sa buong ‘fleet’ ng Valisno express. Sakop ng suspensyon ang 62 bus units ng kumpanya.

Nakasaad sa kautusan ni LTFRB Chairman Winston Ginez na kukumpiskahin ng LTFRB inspectors ang yellow plates ng 62 bus units. “30-day preventive suspension of the entire fleet of Valisno with 62 buses effective upon receipt of the Order today; Yellow plates of the 62 buses will be confiscated by LTFRB Inspectors,” nakasaad sa kautusan.

Ang lahat ng 62 bus units na pag-aari ng Valisno ay isasailalim sa roadworthiness inspection ng Land Transportation Office (LTO).

Habang ang lahat ng drivers nito ay oobligahing sumailalim sa road safety seminar, drug test at kailangang magsumite ng police at National Bureau of Investigation (NBI) clearance./ Dona Dominguez-Cargullo

TAGS: LTFRB suspends entire fleet of valisno, LTFRB suspends entire fleet of valisno

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.