Pasok sa mga korte sa Maynila sa Lunes, half-day lang
Kalahating araw lamang ang operasyon ng mga korte sa Maynila sa Lunes, January 9, 2017 na kapistahan ng Itim na Nazareno.
Sa anunsyo ng Korte Suprema, mula alas 12:00 ng tanghali sa Lunes, suspendido na ang pasok sa lahat ng korte sa lungsod.
Sakop ng kautusan ang Korte Suprema, Court of Appeals, Manila Regional Trial Courts at Manila Metropolitan Trial Courts.
Ito ay para makauwi ng maaga ang mga staff ng korte at upang hindi sila maipit sa traffic bunsod ng prusisyon ng Black Nazarene na taun-taon ay dinarayo ng milyung-milyong deboto.
Nakasaad din sa kautusan na dapat may italaga pa ring skeletal force sa Supreme Court at Court of Appeals para sa mga urgent fillings at pleadings na ang deadline ay sa Lunes.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.