Tumagal ng karagdagang pitong oras mula sa nakatakdang labing tatlong oras na blackout ang probinsiya ng Bohol.
Ito ay bunsod ng pagkabigong maabot ng mga maintenance worker ang restoration target sa nasabing probinsya.
Ayon sa sources sa National Grid Corporation of the Philippines, “stability testing” at “energization sequence” ang naging sanhi ng pagka-antala ng energy restoration.
Nagtakda ng 13-hour power outage sa buong probinsya dahil sa isinagawang maintenance operation ng energy supply sa lalawigan ng Leyte sa Eastern Visayas.
Nagsimula ang blackout alas kwatro nang umaga at inasahang maibabalik bandang alas singko ng gabi kinabukasan.
Ngunit, bigong nagawa ang target ng NDCP kaya’t 12:27 na nang tanghali kanina nanumbalik ang kuryente sa Bohol.
Samantala, napilitan namang magsara ang mga establisiymento na walang generator habang nagsipagsindi naman ng kandila ang mga market vendor.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.