Panibagong batalyon ng SAF, magbabantay sa Bilibid

By Angellic Jordan December 02, 2016 - 11:00 AM

Kuha ni Angellic Jordan
Kuha ni Angellic Jordan

Nagtalaga ng panibagong batalyon ng Special Action Force (SAF) ng Philippine National Police (PNP) sa New Bilibid Prisons.

Sila ang papalit sa naunang tropa ng PNP-SAF na nagbantay at nagpatupad ng seguridad sa bilangguan sa loob ng ilang buwan.

Nasa 410 na miyembro ng SAF na nagbantay sa Bilibid ang pinalitan sa isinagawang pormal na turnover ceremony, Biyernes ng umaga.

Paliwanag ni Bureau of Corrections (BuCor) Deputy Director for Operations Rolando Asuncion, ang palitan sa tropa ay upang maiwasan aniya ang “unholy alliance” sa loob ng piitan.

Nagparating naman ng buong tiwala at suporta si PNP Chief Director General Ronald Dela Rosa sa tropa ng SAF na bagong mangangasiwa sa piitan.

Pero mahigpit ang bilin ni Dela Rosa sa mga tauhan ng SAF na huwag papaimpluwensya at huwag isasangkot ang sarili sa ilegal na aktibidad sa bilangguan.

 

TAGS: Bilibid, New Bilibid Prisons, Special Action Force, Bilibid, New Bilibid Prisons, Special Action Force

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.