Paggunita ng Bonifacio Day, sinabayan ng mga pagkilos ng iba’t ibang grupo

By Angellic Jordan, Dona Dominguez-Cargullo November 30, 2016 - 10:46 AM

Morayta Manila | Kuha ni Angellic Jordan
Morayta Manila | Kuha ni Angellic Jordan

Nagsagawa ng magkakahiwalay na pagkilos at programa ang magkakaibang grupo kasabay ng paggunita ngayong araw ng Bonifacio Day.

Sa Mendiola Maynila, maagang nagtayo ng entablado ang nagpakilalang pro-Duterte group na “Kilusang Pagbabago”.

Ayon kay Bonnie Del Frado, miyembro ng naturang grupo, pakay ng pagtitipon na iparating ang magagandang proyekto ng gobyerno para sa bansa.

Dagdag pa ni Del Frado, nais ng grupo na maipaalam ang mga proyekto ng gobyerno lalo na sa mga mahihirap na hindi naaabot ng impormasyon ukol dito.

Paglilinaw pa nito, walang kinalaman ang kanilang pagtitipun-tipon sa mga ikakasang kilos-protesta laban sa paglilibing kay dating Pangulong Ferdinand Marcos sa Libingan ng Mga Bayani.

Inumpisahan ang programa sa isang martsa mula sa bahagi ng Nagtahan papuntang Mendiola. Maghapon na tatagal ang programa.

Mahigpit naman ang seguridad na ipinatupad ng Philippine National Police sa lugar. Isinara at nilagyan ng barb wires ang Mendiola gate upang ma-kontrol ang mga makikiisa sa programa.

Samantala, sa hiwalay na pagkilos, nagsama-sama sa isang martsa patungo rin ng Mendiola ang grupong “Kilusan para sa Pambansang Demokrasya”.

Sa nasabing pagkilos, tinutulan ng grupo ang pamamalakad ni Pangulong Rodrigo Duterte sa gobyerno partikular ang anila ay patuloy nap ag-ral ng kontraktuwalisasyon, at iba pang isyu ng bansa.

Ayon kay Jay De Jesus, spokesperson ng True Colors Coalition Kilusan, nais iparating ng grupo na dapat ipagpatuloy ang rebolusyon ni Andres Bonifacio at tunay na pampublikong serbisyo nito sa kasalukuyang administrasyon.

Dagdag pa nito, wala aniya pinagkaiba ang pamamalakad ng nagdaang Aquino administration sa mga ipinapatupad ni Duterte ngayon.

Samantala, nakahanda naman ang pwersa ng PNP upang ma-kontrol ang seguridad at kaayusan sa naturamg lugar.

Hinarangan na rin ang grupo sa bahagi ng Morayta para maiwasang magpang-abot sila ng pro-Duterte group na nasa Mendiola.   

TAGS: anti duterte, Mendiola Manila, Morayta Manila, pro duterte, Protest Rally, anti duterte, Mendiola Manila, Morayta Manila, pro duterte, Protest Rally

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.